Ja so än gude Palzwoi

Moin Vadder hot gsacht, un moi Mudder hot gsacht:
Liewer Bu, geb ma acht mit dem Woi, der Woi geht ins Blut
un des is net so gut, ja des konn sogar ganz gferlich soi.
Noch heit liewe Leit, wess isch längscht, schun bescheid,
dass der Woi jo käm Deiwel was macht.
Ihr Kinner drum män isch, heit simmer uns änisch,
mir trinke, des wär doch gelacht.

Refrain:
Ja so än gude Palzwoi, der geht äm in de Hals noi, der laft äm dorsch die dorschtisch Kehl,
do wärd ma froh un kreizfiedel, ja so än gude Palzwoi,
der geht äm in de Hals noi, der laft äm dorsch die Kehl,
un baufdisch do is ma Fidel.

Un geht vun de Haardt, obends hämwerts die Fahrt,
hoscht an Leib un an Seel doin Profit, un wenn a doi Fraa nix schänes dir sagt,
ja do nämscht se halt negschte mol mit.
Mir Pälzer sin frei, hawen Keller voll Woi,
ja bei uns hot noch jeder was grigt.
Drumm kumm in die Roipalz, un trink fun dem Woi als,
sei fröhlich un sing unser Lied.
Refrain:
Ja so än gude Palzwoi, der geht äm in de Hals noi,
der laft äm dorsch die dorschtisch Kehl, do wärd ma froh un kreizfiedel,
ja so än gude Palzwoi, der geht äm in de Hals noi,
der laft äm dorsch die Kehl, un baufdisch do is ma Fidel.